طارمه
گوردوم باخیر چوخلی گوزلر طارمه
اوز چورورام درگاهینه خالقین
قویما دگسین یامان گوزلر طارمه
بوردا نی وار کامان دا وار سازدا وار
موسیقی سی سئومه لی آوازدا وار
مین مقدس هاواجاتی سازدا وار
یئر تاپانماز دویغوسوزلار طارمه
هر ماحالدا زیتونوندا آد گلر
آغیزلارا چوخلی مزه داد گلر
زیتون اکن باغچاسینا شاد گلر
نوردا سپر آی اولدوزلار طارمه
زیتون دئدین صلح و صفادان دا دی
سئوگی دن دی مهر و و فادن دا دی
نغمه دن دی شور و نوادن دا دی
بو صنعتکار گور نه دوزلر طارمه
داغلارینین گول چیچکلی یازی وار
دورناسی وار کهلیگی وار غازی وار
گوزللرین اینجه سی وار نازی وار
سئیره چیخار گونش اوزلر طارمه
اوشاقلاری گوزللیکده آی کیمی
قیز گلینی عصمتلی سارای کیمی
محبتی ایستی سانکی یای کیمی
منت قویوب تانری یوزلر طارمه
اوکی اوزون قویوبدور ائل یولونا
حرمت قویار هم ساغینا سولونا
جهانبخشه بو ائلین اوز اوغلونا
دئنه یازسین شیرین سوزلرطارمه