علی سن علی
شعرین قالبی قوشما
ائسته رم سنده من هر زامان دئیه م
صحبتیم سوزوم سن علی سن علی
سنه وورولماقیم فخریدیر منه
باشیمین تاجی سن علی سن علی
تای اولدین معراجده سن پیمبره
ایشیقلی آی اولدین سن او ل قنبره
اوز گوجون گورساددین کل خیبره
گویلره یول سالان علی سن علی
گبری گوردوم ائدیب عدلیوه تحسین
جهود گوردوم کی آلدی سنده درسین
هر زامان اولونور هر یئرده بحثین
عالیم لر عالیمی علی سن علی
قلم ده ائسته ییرکی سنده یازا
مقدس آدیوی چکدیره سازا
وورولوب سن کیمی بیر سرو نازا
گول چیچکلی باغان علی سن علی
هرنه واریم فدا اولا آدیوا
رحمت اولسون دوستووا اولادیوا
لعنت اولا دشمنیوه یادیوا
دینیمین فخری سن علی سن علی
بوتون کائناتین سروری سن سن
نوحین سلیمانین دلبری سن سن
دیللرین هر زامان ازبری سن سن
شاهلارین شاهی سن علی سن علی
کوثره ساقی سن باده سنده دی
عطرین ده گولشنده باد اسنده دی
شیعه یه یولچوسن جادا سنده دی
جهانبخش آختاران ولی سن علی