یارالی دورنا

دوروب گللن یانیما

گوزلریمین یاشین سیلیب

جان دئیه رن جانیما

گویلردن الهامین آلیب

واقیفن سن هر نه یه

الین کی چکسن باشیما

                           آرتاجاقان شانیما

طالع منه اوز گتیرر

بو قارقینمیش دهرده

الینده بیر جام وئره سن

منه صبح سحرده

آماندی کی توتما اوزون

ائتمه منه قه هر(قهر) ده

عیبی دا اولسا قولاق آس

                   سوزومه هذیانیما

گل دولاشیم بوینونداکی

سئومه لی یاشیل شاله

قویماگینن قالیم بئله

دهریده قالما قالا

باخگینن بیر بو غصه لی

بو کده ر لی بو حالا

بیر آزجه ده فکرائتگینن

                      دردیمه درمانیما

مارال کیمین باخیشلارین

چکدی منی کمنده

سنین سوزون بنزه درم

شهده شکره قنده

جهانبخشم من اولموشام

قاپینده بئله بنده

چاره ندیر اگرمنی

               تانیمیره ن تانیما