بیر مکتوب یازمیشام فلک یانینه

گوللرین همدمی ندن خار اولار

بو گنیش دونیاده بیر بئله ایشده

                            ندندی ایشیمیز آه و زار اولار

دونیاده قویمادین دوز نسیل قالا

ائسته دین گوزلرده آخار سئل قالا

هابیلده قویمادین بیر نسیل قالا

                          قابیلین نطفه سی پایدار اولار

بیر زامان اوره کلر دردینی بیله ن

آیریلیق چیرا غین سوندوروب پیله ن

یوسوفون ایتیره ر دونیاجه بیله ن

                          آغلییار آغلییار گوزو تار اولار