چال عاشیق
چال عاشیق
چال عاشیق سازیوی تا غم لپه لنسین
گوزلریمدن دوغولان یاش سپه لنسین
یئره دوشسون
یئرده گوللر گووره نسین
گولو بولبول ده یلانسین
گولون عشقینده او بولبول اوخییانکن
قوی منیم سینم ایچینده
صف چکیب سوزلریم اولسون
آغلییان گوزلریم اولسون
یئنه ده یاشلاریم اولسون
یئره دوشسون
یئرده گوللر گووره نسین
چال عاشیق چال
دئییرم چالگینین عاشیق دئمه وحشتلی زاماندی
دئمه ائل قدی کاماندی
دئمه ائل حالی یاماندی
دئمه سوز آه و فغاندی
بو زامانلارده کئچندی
ائله بیللیک کی دوماندی
گئچه جکدی گئده جکدی
آیری یئردن بیته جکدی
چال عاشیق چال
چال عاشیق سیملرین او ناله سی قالخیب گویه گلسین
سینه مین قوی سازی بیر یول کوکه گلسین
وارلیقین قوی توکه گلسین
اوکی دنیانی بوتون وارلیقی
وارلیق اوزونه تک بیله ن اولموش
هانسی گوزدن دیگینن یاش سیلان اولموش
زندگانلیقدا اوزو بیر ایلان اولموش
اونو چالمیش بونو چالمیش
وارلیقین قوی توکه گلسین
چال عاشیق چال
آتالاردان بابالاردان
اوقده ر سوز کی قالیبدی
گتیر سازین کوکون اوسته
اوخو او سوزلری کی داردا قالیبدی
اونو قوزقون دا چالیبدی
چال عاشیق چال
چال عاشیق چال تا سسین یایلاغا گلسین
بولاغیم قایناقا گلسین
سئل اولوب چایلاغا گلسین
چاغیراق تا آقا گلسین
سس وئره غملی نوایه
بوتون انسانلاری تشویق ائیلییه صلحه صفایه
گله پایان وئره تا جور و جفایه
هم جهانبخشی چکه زیر لوایه
کی مریضیدی یئته بلکه شفایه