داغلار
شعرین قالبی گرایلی
قوجاقینده گول آچاندا
دوشونده جئیران قاچاندا
کهلیکلرین دیل آچاندا
یولوم سنه ساللام داغلار
قاردا تاجین وار باشیندا
گوزتچینم یول باشیندا
دشمنین اوره ک باشیندا
تفنگیمی چاللام داغلار
یئل اسیب بیرهای سالاندا
کوللارینه تار چالاندا
من یئلدن الهام آلاندا
ائل هاواسین چاللام داغلار
بولاغلارین آخار سویو
گول اولیب گورسادارگویو
اوگوزه لی اوجا بویو
قسمت اولسا آللام داغلار
یای اولیب کوچ کوچ اولاندا
گوللرین رنگی سولاندا
اوره گیمده غم دولاندا
گللم سنده قالام داغلار
سن سن منیم ائلده شانیم
داماریمده آخان قانیم
جهانبخشم شیرین جانیم
سنه قربان آللام داغلار
+ نوشته شده در سه شنبه شانزدهم فروردین ۱۳۹۰ ساعت 15:36 توسط سیدجهانبخش شفیعی
|